MNOU

News And Events

ကြေညာချက်အမှတ် (၇၀/၂၀၂၄)

အမျိုးသားညီညွတ်ရေးအစိုးရ ပညာရေးဝန်ကြီးဌာန မြန်မာ့နွေဦးတက္ကသိုလ် ကြေညာချက်အမှတ် (၇၀/၂၀၂၄) ၂၀၂၄ ခုနှစ်၊ ဇွန်လ (၁၅) အောက်ပါကျောင်းသားကျောင်းသူတို့သည် မြန်မာ့နွေဦးတက္ကသိုလ်၊ မြေကမ္ဘာသိပ္ပံမဟာဌာန၊ ဘူမိသိပ္ပံဌာနက ၂၀၂၄ ခုနှစ် ဖေဖော်ဝါရီလ၊ ၁၇ရက်မှ ဧပြီလ၊ ၂၉ရက် အတွင်းဖွင့်လှစ်ခဲ့သော “GIS (Geographic Information System) Basic Course” သင်တန်းကို အောင်မြင်စွာပြီးမြောက်ခဲ့ပြီဖြစ်ကြောင်း ထုတ်ပြန်ကြေညာလိုက်သည်။ Certificate သင်တန်း Roll No. ၁။ GIS.bs-1/24-01 ၂။ GIS.bs-1/24-09 ၃။ GIS.bs-1/24-22

နှစ်ချုပ်အစီရင်ခံစာ ထုတ်ပြန်ခြင်း

ကြားကာလပညာသင်ကြားရေးအတွက် အမျိုးသားညီညွတ်ရေးအစိုးရ၊ ပညာရေးဝန်ကြီးဌာနမှ တည်ထောင်သော ကိုယ်ပိုင်အုပ်ချုပ်ခွင့်ရ ပြည်သူပိုင် online တက္ကသိုလ် ဖြစ်သည့် မြန်မာ့နွေဦးတက္ကသိုလ် (MNOU) ၏ ၂၀၂၂ ခုနှစ်တွင် လုပ်ဆောင်ခဲ့သော နှစ်ချုပ်အစီရင်ခံစာ ကို ကျောင်းသား၊ ကျောင်းသူများ နှင့် မိဘပြည်သူများ သိရှိလေ့လာနိုင်ရန် ထုတ်ပြန်လိုက်ပါသည်။ Myanmar Nway-Oo University မြန်မာ့နွေဦးတက္ကသိုလ် (MNOU)

ဒဂုံတက္ကသိုလ်ကျောင်းသား(၇) ဦးအား သေဒဏ်ချမှတ်ခြင်း အပေါ် အပြင်းအထန်ကန့်ကွက်ကြောင်း မြန်မာ့နွေဦးတက္ကသိုလ်၏ သဘောထား ထုတ်ပြန်ကြေညာချက်

၂၀၂၂ ခုနှစ်၊ ဧပြီလ (၂၁) ရက်နေ့တွင် အကြမ်းဖက် ဖက်ဆစ်စစ်တပ် ၏ မတရား ဖမ်းဆီးခြင်းကို ခံခဲ့ရသော ဒဂုံတက္ကသိုလ် ကျောင်းသားလူငယ် (၇)ဦး ဖြစ်သည့် မောင်ဟိန်းထက် ၊ မောင်သီဟထက်ဇော်၊ မောင်သူရမောင်မောင်၊ မောင်ခန့်လင်းမောင်မောင်၊ မောင်ခန့်ဇင်ဝင်း၊ မောင်သက်ပိုင်ဦး၊ မောင်ဇော်လင်းနိုင် တို့အား သေဒဏ်ချမှတ်ခြင်းသည် ကျွန်ုပ်တို့၏ ကျောင်းသားလူငယ်များအား လူမျိုးတုန်း သတ်ဖြတ်ခြင်းဖြစ်သည်ဟု သတ်မှတ်သည်။ ဤသို့ အသက်ရှင်သန်ခွင့်ကို ချိုးဖောက်သည့် လူမဆန်သော စစ်အုပ်စု၏ လုပ်ရပ်အား အပြင်းအထန်ကန့်ကွက်ရှုံ့ချသည်။ စစ်မိစ္ဆာလူတစ်စုသည် ရက်စက်၊ ယုတ်မာမှုတိုင်း အ‌တွက် သမိုင်းတလျှောက် နိုင်ငံရေးလှုပ်ရှားမှုများတွင် အသက်ပေးကာ တိုက်ပွဲ၀င်နေကြသော ကျောင်းသားထုနှင့် ၀န်ထမ်းထုက ပေးသည့် အမြင့်ဆုံး ပြစ်ဒဏ်ကို အပြည့်အဝ ခံယူရမည်ဖြစ်သည်။ ကျွန်ုပ်တို့ မြန်မာ့နွေဦးတက္ကသိုလ်သည် စစ်ကျွန်ပညာရေး အဆုံးသတ်ရေး တက်ကြွ လှုပ်ရှားနေသော ကျောင်းသားထုနှင့် တသားတည်း ရပ်တည်နေပြီး ဖက်ဒရယ် ဒီမိုကရေစီပညာရေးကို ဖော်ဆောင်ကာ နွေဦးတော်လှန်ရေးကို အောင်မြင်သည်အထိ တိုက်ပွဲ၀င် သွားမည်ဖြစ်သည်။ “စစ်အာဏာရှင်စနစ် မုချကျဆုံးရမည်” မြန်မာ့နွေဦးတက္ကသိုလ် Myanmar Nway-O0 University (MNOU)

မြန်မာ့နွေဦးတက္ကသိုလ် - Myanmar Nway-Oo University (MNOU) ဖွင့်ပွဲအခမ်းအနားသို့ ပေးပို့သည့်ပြည်ထောင်စုလွှတ်တော်ကိုယ်စားပြုကော်မတီ၏ ဝမ်းမြောက်ကြောင်း သဝဏ်လွှာ

မြန်မာ့နွေဦးတက္ကသိုလ် - Myanmar Nway-Oo University (MNOU) ဖွင့်ပွဲအခမ်းအနားသို့ ပေးပို့သည့်ပြည်ထောင်စုလွှတ်တော်ကိုယ်စားပြုကော်မတီ၏ ဝမ်းမြောက်ကြောင်း သဝဏ်လွှာ

အဆင့်မြင့်ပညာကဏ္ဍမှ ကျောင်းသား၊ ကျောင်းသူများအတွက် ပညာရေးအစီအစဉ်တစ်ခုဖြစ်သော မြန်မာ့နွေဦးတက္ကသိုလ်၊ Myanmar Nway-Oo University (MNOU) ဖွင့်လှစ်ကြောင်း ထုတ်ပြန်ကြေညာချက်

ပြည်ထောင်စုသမ္မတမြန်မာနိုင်ငံတော် အမျိုးသားညီညွတ်ရေးအစိုးရ ပညာရေးဝန်ကြီးဌာန ကြေညာချက်အမှတ် ( ၁၅ /၂၀၂၂) ၂၀၂၂ ခုနှစ်၊ အောက်တိုဘာလ (၇) ရက် အဆင့်မြင့်ပညာကဏ္ဍမှ ကျောင်းသား၊ ကျောင်းသူများအတွက် ပညာရေးအစီအစဉ်တစ်ခုဖြစ်သော မြန်မာ့နွေဦးတက္ကသိုလ်၊ Myanmar Nway-Oo University (MNOU) ဖွင့်လှစ်ကြောင်း ထုတ်ပြန်ကြေညာချက်